Ընդհանուր տեղեկություններ

Թրանսփարենսի Ինթերնեշնլ հակակոռուպցիոն կենտրոնը (ԹԻՀԿ) հիմնադրվել է 2000 թ. և գործում է որպես Թրանսփարենսի Ինթերնեշնլ (ԹԻ) հակակոռուպցիոն համաշխարհային շարժման հավատարմագրված ներկայացուցիչը Հայաստանում: Կազմակերպության առաքելությունն է խթանել լավ կառավարման և ժողովրդավարական գործընթացները՝ հանուն պետականության ամրապնդման և կոռուպցիայից զերծ Հայաստանի։

ԹԻՀԿ նպատակներն են կանխարգելել կոռուպցիան, նպաստել իրավունքի գերակայությանը, պաշտպանել հանրային ռեսուրսները հանրային գույքի ու ֆինանսների պատասխանատու կառավարմանը և հանրությանը մատուցվող ծառայությունների արդյունավետությանը, խթանել օրինավորությունը քաղաքականության մեջ ազատ և արդար ընտրությունների կայացմանը, խթանել քաղաքացիական առաջնորդությունը։

ԹԻՀԿ-ն հայտարարում է խորհրդատվական ծառայության մատուցման մրցույթ կազմակերպության ներքին գործառնական/աշխատանքային պրոցեսների (business processes) համապարփակ գնահատում և օպտիմալացում իրականացնելու նպատակով։

Ծառայության նկարագրություն

Նպատակը

Մշակել ԹԻՀԿ-ի ներքին գործառնական/աշխատանքային պրոցեսների և աշխատանքային նկարագրերի գնահատման հաշվետվություն և օպտիմալացման ծրագիր՝ միտված ներքին գործընթացների և դերերի/պատասխանատվության շրջանակի հստակեցմանը և գործառույթների մեջ կրկնությունների վերացմանը, թիմի աշխատանքի արդյունավետության և համագործակցության բարելավմանը։

Ծառայության շրջանակը

1․ Իրականացնել աշխատանքային գործառույթների վերլուծություն (job analysis) և ներքոնշյալ աշխատանքային պրոցեսների քարտեզագրում/գնահատում (as-is diagnosis)

  • Կազմակերպական կառավարում
  • Ծրագրերի կառավարում, ներառյալ մոնիտորինգ և գնահատում
  • Ֆինանսական կառավարում և գնումներ
  • Մարդկային ռեսուրսների կառավարում
  • Հաղորդակցություն և հանրային կապեր
  • Վարչական և գործառնական աշխատանքներ

2․ Վերլուծության հիման վրա մշակել օպտիմալացման ծրագիր՝ ներկայացնելով բարելավման ուղղված առաջարկներ հետևյալ գործընթացների վերաբերյալ՝

  • աշխատանքային պրոցեսներ և ընթացակարգեր վերը նշված ոլորտներում,
  • կազմակերպական կառուցվածք և որոշումների կայացման սխեմա (RACI matrix),
  • աշխատանքային նկարագրեր, դերեր և պատասխանատվության շրջանակ։

Ցանկալի է, որ առաջարկները ներառեն նաև աշխատանքային պրոցեսների հնարավոր ավտոմատացման եղանակներ։

Ակնկալվող արդյունքներ և ժամկետներ

Պահանջվող որակավորում

Ծառայությունների մատուցման համար կարող են դիմել ինչպես կազմակերպություններ, այնպես էլ անհատներ հետևյալ որակավորումներով՝

  • առնվազն 5 տարվա մասնագիտական փորձ կազմակերպությունների կառավարման, մարդկային ռեսուրսների կառավարման, կազմակերպական զարգացման, խորհրդատվական ոլորտներում,
  • վերջին 3 տարիների ընթացքում նմանատիպ առաջադրանքների իրականացման փորձ,
  • ՀԿ-ների և միջազգային զարգացման ծրագրերի հետ աշխատելու փորձառություն և տվյալ ոլորտի առանձնահատկությունների և լավագույն փորձի իմացություն,
  • կազմակերպական գործընթացների վերլուծության, գնահատման փորձառություն,
  • առաջարկությունների և հաշվետվությունների մշակման փորձ։

Տևողություն և վարձատրություն

Խորհրդատվությունը կիրականացվի 2026 թ․ հունիսի 1-ից մինչ 2026 թ․ հուլիսի 31-ը։ Վարձատրությունը կհամաձայնեցվի խորհրդատուի հետ՝ ըստ փորձի և ֆինանսական առաջարկի՝ փուլային վճարումներով։

Տեխնիկական գնահատում

Դիմորդ կազմակերպությունների/անհատների ընտրությունը կիրականացվի հետևյալ չափորոշիչների հիման վրա՝

  • առաջարկվող նախնական մեթոդաբանություն/մոտեցումներ (30 %),
  • շառկա որակավորում և փորձ (40 %),
  • ծառայության արժեք (30 %)։


Դիմելու ընթացակարգ

Հետաքրքրված կազմակերպությունները/անhատները կարող են ներկայացնել հետևյալ փաստաթղթերի փաթեթը՝

  • տեխնիկական առաջարկ՝ ուսումնասիրության նախնական մեթոդաբանության, մոտեցումների և ժամկետների ներառմամբ,
  • ֆինանսական առաջարկ՝ խորհրդատվության ընդհանուր արժեքով,
  • կենսագրական (ներ) (CV)՝ համապատասխան փորձի և հմտությունների նկարագրությամբ,նմանատիպ աշխատանքների 3 օրինակ (եթե առկա են՝ պահպանելով գաղտնիության պայմանները),
  • կազմակերպությունների ցանկ, որոնց հետ համագործակցել են նմանատիպ նախագծերում,
  • առնվազն երկու երաշխավորող անձի կոնտակտ։


Խնդրում ենք վերը նշված փաստաթղթերն անգլերենով կամ հայերենով ուղարկել [email protected] էլեկտրոնային հասցեին՝ որպես նամակի թեմա նշելով «Խորհրդատվական ծառայության մրցույթ», մինչև մայիսի 25-ը ներառյալ։